Recent posts
To top
28 Apr

Կոնյակի փառատոնի գաղափարի հեղինակ Վրույր Փենեսյանը այն կիրականացնի հոկտեմբերին

17458007_775921779227678_515912228802103044_n

BPA ընկերության նախագահ Վրույր Փենեսյանը  2016 թվականին իր կողմից  կազմակերպված Welcome to Armenia համաժողովի ժամանակ առաջին անգամ հայտարարեց իր գաղափարի մասին, որ 2017 թվականին ծրագրում է իրականացնել Հայաստանում առաջին անգամ  կոնյակի փառատոն: Կոնյակի փառատոն կազմակերպելու միտքը առաջացել էր այն բանից հետո, երբ ուսումնասիրություններից պարզ էր դարձել, որ 2017թ. լրանում է հայկական կոնյակագործության 130-ամյակը, և նախկինում երբևէ չէր կազմակերպվել փառատոն, որը լավ առիթ է՝ նշելու և ներկայացնելու հայկական կոնյակագործության ավանդույթները և հայաստանցիներին,  և զբոսաշրջիկներին:

18058150_791763217643534_5788247032005638673_n

Հաշվի առնելով այն փաստը, որ կոնյակի փառատոն Հայաստանում նախկինում  չէր կազմակերպվել, և որպեսզի կոնյակի փառատոն կազմակերպելու գաղափարը ավելի պաշտոնական բնույթ ստանա, որոշվեց կազմակերպել զբոսաշրջության թեմայով Welcome to Armenia համաժողով և պաշտոնապես ներկայացվեց համաժողովի ժամանակ, որին մասնակցեցին 200-ից ավել զբոսաշրջային ոլորտի ընկերությունների ղեկավարներ, և որին զեկուցներով հանդես եկան ՀՀ մշակույթի նախարար Արմեն Ամիրյանը, ՀՀ սպորտի և երիտասարդության նախարար Հրաչյա Ռոստոմյանը,ՀՀ ԱԺ տնտեսական հարցերի մշտական հանձնաժողովի փոխնախագահ Միքայել Մելքումյանը, Մայր Աթոռից տեր Ասողիկ քահանա Կարապետյանը և մասնավոր սեկտորի ներկայացուցիչներ:

17458007_775921779227678_515912228802103044_n

 «Ի սկզբանե որոշված էր կազմակերպել գարնանը, սակայն ոլորտի մասնագետների, ինչպես նաև «Պեռնո Ռիկար Արմենիա» ընկերության նախկին ղեկավարության  հորդորով որոշվե ց իրականացնել աշնանը: Դա պայմանավորված էր նաև այն գործոնով, որ զբոսաշրջիկները և, առհասարակ, փառատոնի մասնակիցները  հնարավորություն ունենան  անմիջական մասնակիցը  դառնալ նաև խաղողաքաղի գործընթացին:

Փառատոնի օրերը հագեցած կլինեն նաև մշակութային  բաղադրիչներով,  ինչպես  նաև  ակնկալվում է հրավիրել միջազգային ճանաչում ունեցող երաժիշտներ,  որոնք ավելի  մեծ  հնչեղություն կհաղորդեն Հայկական կոնյակի ազգային փառատոնին»,- հավելեց գաղափարի  հեղինակ և նախաձեռնող Վրույր Փենեսյանը: